వచ్చే నెల AP LAWCET 2025 కౌన్సెలింగ్ షెడ్యూల్ విడుదల

AP LAWCET 2025 కౌన్సెలింగ్ ప్రక్రియ సెప్టెంబర్‌లో ప్రారంభమయ్యే అవకాశం ఉంది. అర్హత కలిగిన అభ్యర్థులు 3 సంవత్సరాల మరియు 5 సంవత్సరాల LLB కోర్సుల్లో ప్రవేశం పొందేందుకు పాల్గొనవచ్చు. అధికారిక తేదీలు మరియు రిజిస్ట్రేషన్ వివరాలు త్వరలో ప్రకటించబడతాయి.

AP LAWCET కౌన్సెలింగ్ 2025 (AP LAWCET Counselling 2025): ఆంధ్రప్రదేశ్ కౌన్సిల్ ఆఫ్ హయ్యర్ ఎడ్యుకేషన్‌ (APSCHE) సెప్టెంబర్ మూడో లేదా చివరి వారంలో అధికారిక వెబ్‌సైట్‌ cets.apsche.ap.gov.in/LAWCET/ లో AP LAWCET 2025 కౌన్సెలింగ్ రిజిస్ట్రేషన్‌ను ప్రారంభించే అవకాశముంది. గత సంవత్సరం కౌన్సెలింగ్‌ అక్టోబర్‌లో జరగగా, 2023లో ఇది నవంబర్‌లో జరిగింది. గత అనుభవాలను బట్టి, ప్రతి సంవత్సరం AP LAWCET కౌన్సెలింగ్ ప్రక్రియ అక్టోబర్ లేదా నవంబర్‌ వరకు వాయిదా పడుతూ వచ్చింది. అయితే ఈ సంవత్సరం, ఆంధ్రప్రదేశ్‌లో లా కాలేజీలకు అనుమతుల ప్రక్రియ జరుగుతున్నందున కౌన్సెలింగ్ కొంత ముందుగానే ప్రారంభమయ్యే అవకాశం ఉంది. అర్హత కలిగిన అభ్యర్థులు అధికారిక పోర్టల్‌లో రిజిస్ట్రేషన్‌ చేసుకుని, డాక్యుమెంట్లు అప్‌లోడ్‌ చేసి, కౌన్సెలింగ్ ఫీజు చెల్లించాలి.

AP LAWCET కౌన్సెలింగ్ ప్రక్రియలో వెబ్ ఆప్షన్స్ రిజిస్ట్రేషన్ ఉంటుంది, ఇందులో అభ్యర్థులు తమకు కావలసిన కళాశాలలను ఎంపిక చేయాలి. అనంతరం AP LAWCET ర్యాంకులు, కటాఫ్‌లు మరియు రిజర్వేషన్ ప్రమాణాల ఆధారంగా సీట్ల కేటాయింపు జరుగుతుంది. సీటు కేటాయించిన తర్వాత, అభ్యర్థులు కేటాయించిన కళాశాలకు స్వయంగా హాజరై, అడ్మిషన్ ఫీజు చెల్లించి, వెరిఫికేషన్ ప్రక్రియను పూర్తి చేయాలి తద్వారా వారి ప్రవేశం ఖరారు అవుతుంది.

AP LAWCET కౌన్సెలింగ్ 2025 అంచనా తేదీలు (AP LAWCET Counselling 2025 Expected Dates)

AP LAWCET కౌన్సెలింగ్ 2025 కి సంబంధించిన తాత్కాలిక తేదీల వివరాలను ఈ కింది టేబుల్ పట్టిక అందిస్తుంది . విద్యార్థులు గమనించాల్సిన విషయం ఏమిటంటే, ఇవి మునుపటి సంవత్సరాల షెడ్యూల్ ప్రకారం తాత్కాలిక తేదీలు మాత్రమే, తుది తేదీలు ఇంకా అధికారికంగా ప్రకటించబడలేదు.

వివరాలు	అంచనా తేదీలు
AP LAWCET కౌన్సెలింగ్ 2025 కోసం ఆన్‌లైన్ రిజిస్ట్రేషన్	సెప్టెంబర్ 2025 మూడవ/చివరి వారం
AP LAWCET ఆన్‌లైన్ సర్టిఫికెట్ వెరిఫికేషన్	అక్టోబర్ 2025 మొదటి వారం
AP LAWCET వెబ్ ఎంపికలను పూరించడానికి విండో	అక్టోబర్ 2025 మొదటి వారం
AP LAWCET సీట్ల కేటాయింపు	అక్టోబర్ 2025 రెండవ వారం

AP LAWCET 2025 కౌన్సెలింగ్ విధానం, ముఖ్యమైన దశలు (AP LAWCET 2025 Counselling Procedure, Important Steps)

AP LAWCET 2025 లో అర్హత సాధించిన అభ్యర్థులు AP LAWCET కౌన్సెలింగ్ 2025 లో పాల్గొనడానికి అర్హులు. ఆంధ్రప్రదేశ్ అంతటా లా కోర్సులలో ప్రవేశం కోసం కౌన్సెలింగ్ ప్రక్రియలో ఈ క్రింది దశలు ఆన్‌లైన్‌లో నిర్వహించబడతాయి.

అధికారిక APSCHE వెబ్‌సైట్ ద్వారా ఆన్‌లైన్‌లో నమోదు చేసుకోండి.
అవసరమైన పత్రాలను (ర్యాంక్ కార్డ్, సర్టిఫికెట్లు, ఆధార్ మరియు ఫోటోలు) అప్‌లోడ్ చేయండి.
ఆన్‌లైన్ లేదా సెంటర్ ఆధారిత ధృవీకరణ ద్వారా సర్టిఫికెట్లను ధృవీకరించండి.
మీకు నచ్చిన కళాశాలలు మరియు కోర్సుల కోసం వెబ్ ఆప్షన్లను నింపండి.
ర్యాంక్, కేటగిరీ మరియు ఎంపికల ఆధారంగా సీట్ల కేటాయింపు.
అలాట్మెంట్ ఆర్డర్‌ను డౌన్‌లోడ్ చేసుకుని, మీకు కేటాయించిన కళాశాలకు రిపోర్ట్ చేయండి.
కేటాయింపుతో సంతృప్తి చెందకపోతే రెండవ దశ కౌన్సెలింగ్‌లో పాల్గొనండి.

ఆంధ్రప్రదేశ్‌లో కన్వీనర్ కోటా కింద లా కోర్సుల్లో ప్రవేశం కోరుకునే అభ్యర్థులకు AP LAWCET 2025 కౌన్సెలింగ్ ఒక కీలకమైన దశ. అర్హత ఉన్న అభ్యర్థులు కన్వీనర్ కోటా కౌన్సెలింగ్‌లో పాల్గొంటేనే వారికి ఫీజు రీయింబర్స్‌మెంట్ సాధ్యమవుతుంది. సెప్టెంబర్ మూడవ వారంలో కౌన్సెలింగ్ తేదీలు విడుదలయ్యే అవకాశం ఉన్నందున అభ్యర్థులు జాగ్రత్తగా ఉండాలి.

Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.